پرسیاره‌ باوه‌كان:

ثرسيارة باوةكان

ئایا خۆ تۆماركردن پێویسته‌ پێش به‌كارهێنانی خزمه‌تگوزاری ئه‌لیكترۆنی؟

به‌ڵێ به‌ دڵنیاییه‌وه‌ پێویسته‌ خۆت تۆمار بكه‌یت وه‌ك به‌كارهێنه‌ر (USER) له‌ خزمه‌تگوزاری ئه‌لیكترۆنی پێش ئه‌وه‌ی ده‌ست به‌به‌كارهێنانی بكه‌یت.

ئایا كێ ده‌توانێت خۆی تۆمار بكات وه‌ك به‌كارهێنه‌ر (USER) بۆ به‌كارهێنانی خزمه‌تگوزاری ئه‌لیكترۆنی؟
  • بۆ ئه‌وه‌ی بتوانیت خۆت تۆمار بكه‌یت وه‌ك به‌كارهێنه‌ر (USER) پێویسته‌ یه‌كێك له‌مانه‌ بیت:
  • وه‌به‌رهێن / ئه‌و هاوپشكه‌ى كه‌ ده‌یه‌وێ كۆمپانیایه‌ك تۆمار بكات یان كارێك دابمه‌زرێنێت و به‌خۆی ده‌یه‌وێت ئه‌م كاره‌ ئه‌نجام بدات.
  • پارێزه‌ر / كه‌ بریكارنامه‌ی هه‌یه‌ له‌ لایه‌ن وه‌به‌رهێنێكه‌وه‌ یان هاوپشكێكه‌وه‌ و ده‌یه‌وێت تۆماركردن ئه‌نجام بدات له‌ بری ئه‌و.
  • فه‌رمانبه‌ر له‌ به‌ڕێوه‌به‌رایه‌تی گشتی تۆماركردنی كۆمپانیاكان یان هه‌ر لابه‌نێكی تری په‌یوه‌نیدار به‌وه‌وه‌ كه‌ به‌شداره‌ له‌ كرده‌ی تۆماركردنه‌كه‌ . بۆ ئه‌مه‌ش پێویسته‌ له‌سه‌ر گشت فه‌رمانبه‌ران ڕێنماییه‌ ناوخۆییه‌ سه‌ره‌كیه‌كان په‌یڕه‌و بكه‌ن.
ئایا چه‌ند سه‌رمایه‌ پێویسته‌ بدرێت؟
  • سه‌رمایه‌ی پێویست بریتیه‌ له‌ هه‌موو ئه‌و سه‌رمایه‌یه‌ی كه‌ له‌ لایه‌ن خاوه‌ن پشكه‌كانه‌وه‌ دراوه‌، به‌ ده‌سته‌واژه‌یه‌كی تر،هه‌موو ئه‌وپاره‌یه‌یه‌ كه‌ كۆمپانیا وه‌ریگرتوه‌ له‌ خاوه‌نپشكه‌كان به‌ گشتی كه‌ له‌ بڕی كڕینی پشكه‌كانیان داویانه‌ به‌ كۆمپانیا، به‌لام ئه‌وه‌ی ده‌بێته‌ كه‌مترین ئاست بۆ سه‌رمایه‌ی پێویستی دراو بۆ دامه‌زراندنی كۆمپانیاكه‌ له‌ هه‌رێمی كوردستانی عیراق به‌ گشتی بریتیه‌ له‌ یه‌ك ملیۆن دیناری عیراقی.
ئایا چه‌ند ماوه‌ پێویسته‌ بۆ دامه‌زراندنی كۆمپانیایه‌كی خاوه‌ن به‌رپرسیارێتی سنوردار له‌ هه‌رێمی كوردستان؟
  • له‌وانه‌یه‌ بتوانرێت دامه‌زراندنێكی كرداری له‌ ماوه‌ی یه‌ك یان دوو ڕۆژ دا ئه‌نجام بدرێت به‌ لای كه‌می، دوای هه‌ڵسان به‌ ڕێنماییه‌ داواكراوه‌كانیش، له‌گه‌ڵ ئه‌وه‌شدا كۆی گشتی پرۆسه‌ی تۆماركردنه‌كه‌ له‌ یه‌ك ڕۆژه‌وه‌ تا چه‌ند هه‌فته‌یه‌ك ده‌خایه‌نێت، به‌ پشت به‌ستن به‌و هۆكارانه‌ی خواره‌وه‌:

ده‌ست به‌سه‌رداگرتنى ناو: پێش دامه‌زراندنی كۆمپانیاكه‌، پێویسته‌ ناوێكى بۆ دیاری بكه‌یت، گریمان هه‌ڵبژاردنی ناوه‌كه‌ هیچ به‌ربه‌ستێكی نه‌هاته‌ پێش ئه‌وا له‌وانه‌یه‌ پرۆسه‌ی هه‌لبژاردنی ناوه‌كه‌ له‌ كه‌متر له‌ كاتژمێرێكدا ئه‌نجام بدرێت، به‌لام ئه‌گه‌ر هاتوو ناوه‌كه‌ كێشه‌ی هه‌بوو و پێویستی كرد له‌ لایه‌ن ده‌سه‌لاته‌ په‌یوه‌ندیداره‌كان پێداچونه‌وه‌ی بۆ بكرێت، ئه‌وا له‌وانه‌یه‌ پرۆسه‌ی هه‌لبژاردنی ناوه‌كه‌ چه‌ند ڕۆژێك یان چه‌ند هه‌فته‌یه‌ك بخایه‌نێت.

راده‌ستكردنی به‌ڵگه‌نامه‌ ره‌سه‌ن و دروسته‌كان: پێویسته‌ به‌ڵگه‌نامه‌ ره‌سه‌ن و دروسته‌كان ڕاده‌ست بكرێت به‌مه‌به‌ستی به‌راوردكرن و ده‌ركه‌وتنی هاوشێوه‌یی به‌ڵگه‌نامه‌كان له‌ كاتی دانی پسوله‌كان و ڕاسته‌وخۆ پێش وه‌رگرتنه‌وه‌ی بڕوانامه‌ی كۆمپانیاكه‌، هه‌روه‌ها ئه‌گه‌ر هاتوو به‌ڵگه‌نامه‌ی ونبوو هه‌بوو یان هه‌ڵه‌ هه‌بوو ئه‌وا پرۆسه‌كه‌ دوا ده‌خرێت تا چاره‌سه‌ری كێشه‌كه‌ ده‌كرێت

ئه‌و ئاماده‌كاریانه‌ چیه‌ كه‌ ده‌بێت بیكه‌یت بۆ به‌كارهێنانی خزمه‌تگوزاری ئه‌لیكترۆنی؟

بۆ به‌كارهێنانی خزمه‌تگوزاری ئه‌لیكترۆنی له‌ پێگه‌كه‌ماندا پێویستیت به‌ كۆمپیوته‌ر و هێڵی ئه‌نته‌رنێت ده‌بێت، هه‌روه‌ها واباشه‌ كه‌ په‌یوه‌ندیه‌كه‌ broadband بێت، له‌گه‌ڵ ئاماده‌كردنی خزمه‌تگوزاری به‌رنامه‌ی كردنه‌وه‌ی پێگه‌ كه‌ باشتره‌ (ئه‌نته‌رنێت ئێكسپلۆره‌ر بێت).

ئه‌و ڕێنماییانه‌ چین بۆ هه‌لبژاردنى ناو بۆ كۆمپانیا له‌ حكومه‌تی هه‌رێمی كوردستان:
  • هه‌نگاوی یه‌كه‌م له‌ كرده‌ی تۆماركردنه‌كه‌ بریتیه‌ له‌ ده‌ست به‌سه‌رداگرتنى ناوێك بۆ كۆمپانیاكه‌. ناتوانرێت كۆمپانیا تۆمار بكرێت تا ره‌زامه‌ندی نه‌درێت له‌سه‌ر ناوه‌كه‌ی، ئه‌گه‌ر ناوه‌كه‌ یه‌كانگیر نه‌بوو له‌گه‌ڵ ناوێكی تری تۆماركراو و هیچ ئاماژه‌یه‌كی هه‌ستیاریشی تێدا نه‌بوو و هه‌روه‌ها وشه‌ی ناشیاو یان ئاماژه‌ی ئاینیشی تێدا نه‌بوو ئه‌وا كرده‌ی په‌سه‌ندكردنی ناوه‌كه‌ زۆر خێرا ده‌بێت.

هه‌روه‌ها ئه‌گه‌ر هیچ بارێكی نائاسایی دروست نه‌بێت له‌ خزمه‌تگوزاری ئه‌لیكترۆنی له‌ ئه‌نته‌رنێته‌وه‌، ئه‌وا تۆماركردنه‌كه‌ به‌ ده‌ست به‌سه‌رداگرتنى ناو بۆ كۆمپانیا ده‌ست پێده‌كات پێش ئاماده‌كردنی به‌ڵگه‌نامه‌كانی دامه‌زراندن، دوای پێشكه‌شكردنی داواكاری بۆ دیاریكردنی ناو دوو ئه‌نجامی پێشبینیكراو ده‌بێت به‌م شێوه‌یه‌:

ئه‌نجامی 1: په‌سه‌ندكردنی ناوه‌كه‌

ئه‌گه‌ر ڕه‌زامه‌ندی درا له‌سه‌ر ناوه‌كه‌، ئه‌وه‌ هه‌واڵێكی خۆشه‌ و پێویسته‌ كار له‌سه‌ر هه‌نگاوه‌كانی داهاتوو بكه‌یت له‌ دامه‌زراندنی كۆمپانیاكه‌.

ئه‌نجامی 2: ئه‌گه‌ر ناوه‌كه‌ په‌سه‌ند نه‌كرا

ئه‌گه‌ر ده‌ركه‌وت ناوه‌كه‌ به‌ ناوێكی تری تۆماركراو ده‌چێت یان وه‌كو ئه‌و وایه‌، یان وشه‌ی ناشیاوی تێدایه‌، یان ئاماژه‌یه‌كی نادروستی تێدایه‌ ئه‌وا یه‌كێتی ژووره‌كانی بازرگانی ئه‌و جۆره‌ ناوانه‌ ڕه‌تده‌كاته‌وه‌ و ئاگادارت ده‌كاته‌وه‌ له‌مه‌

خزمه‌تگوزاری ئه‌لیكترۆنی چیه‌؟

خزمه‌تگوزاری ئه‌لیكترۆنی ئه‌و ده‌رگایه‌یه‌ كه‌ 24 كاتژمێر كراوه‌یه‌ به‌ وه‌رگرتنی داواكاریه‌كان، وه‌ به‌و دواییانه‌ له‌ لایه‌ن به‌ڕێوه‌به‌رایه‌تی گشتی تۆماركردنی كۆمپانیاكان په‌ره‌ی پێدراوه‌ بۆ ئاسانكاری وه‌رگرتنی داواكاریه‌كانی دامه‌زراندنی كۆمپانیا خۆماڵیه‌كان یان تۆماركردنی لقی كۆمپانیا بیانیه‌كان له‌ هه‌رێمی كوردستان، ئه‌ویش له‌ ڕێگه‌ی پڕكردنه‌وه‌ی فۆرمێكی تایبه‌ت و به‌ڵگه‌نامه‌ی داواكراو به‌ پێی یاسا په‌یوه‌ندیداره‌كان به‌ شێوه‌ی ئه‌لیكترۆنی( ئۆنلاین) و ناردنی بۆ به‌ڕێوه‌به‌رایه‌تی گشتی تۆماركردنی كۆمپانیاكان.

چۆن ده‌توانم خۆم تۆمار بكه‌م وه‌ك به‌كارهێنه‌ر (USER)؟
  • پێویسته‌ فۆرمێك پڕبكه‌یته‌وه‌ دوای كلیك كردن له‌ سه‌ر لینكی تۆماركردن ، كه‌ ڕاسته‌وخۆ دوای پركردنه‌وه‌ى فۆرمه‌كه‌ نامه‌یه‌كی ئه‌لیكتڕۆنیت پێده‌گات له‌ رێگه‌ی ئه‌و ئیمێڵه‌ی كه‌ تۆمارت كردوه‌ بۆ دڵنیایی له‌ تۆماركردنه‌كه‌، ئینجا داوكاریه‌كه‌ت ده‌گات به‌ده‌ستی سه‌رپه‌رشتیاری به‌كارهێنه‌ران له‌ ده‌سه‌ڵاتی په‌یوه‌ندیدار بۆ پێداچونه‌وه‌ له‌ داواكاریه‌كه‌ت و په‌سه‌ندكردنی، كه‌ په‌سه‌ندیش كرا نامه‌یه‌كت پێده‌گات پاسوێردی تایبه‌ت به‌ خۆتی تێدایه‌.